មុខសញ្ញាគ្រឿងញៀនចំនួន០៣នាក់ត្រូវបានសមត្ថកិច្ចឃាត់ខ្លួនអនុវត្តតាមច្បាប់បន្ទាប់ពីបង្រ្កាបបាននៅស្រុកថ្មគោល៖
——–
កាលពីថ្ងៃទី០១ ខែឧសភា ឆ្នាំ២ ០២៨ វេលាម៉ោង ១៨និង២០នាទីនៅចំណុចភូមិអូរតាគី ឃុំអូរតាគី ស្រុកថ្មគោល ខេត្តបាត់ដំបង អនុវត្តតាមយោបល់ដឹកនាំរបស់ លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបងនិងលោកវរសេនីយ៍ឯក សុខ និមល ស្នងការរងផែនការងារប្រឆាំងគ្រឿងញៀន លោកវរសេនីយ៍ទោ ប៉ាន់ ចាន់រិទ្ធ នាយការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តបាត់ដំបង បានដឹកនាំកម្លងចុះប្រតិបត្តិការ បង្ក្រាបករណី ជួញដូរដោយខុសច្បាប់នូវសារធាតុញាញៀន ០១ករណី ក្នុងបទល្មើសជាក់ស្តែង និងឃាត់ខ្លួនជន សង្ស័យបានចំនួន ០២នាក់ មានឈ្មោះ ម៉ាប់ ជីវ័យ ភេទប្រុស អាយុ១៨ឆ្នាំ មានទីលំនៅភូមិភ្នំតូច ឃុំភ្នំតូច ស្រុកមង្គលបូរី ខេត្តបន្ទាយ មានជ័យ និងឈ្មោះ សុវណ្ណ ឈួយ ភេទប្រុស អាយុ២៥ឆ្នាំ មានទីលំនៅភូមិអង់ជើង ឃុំតាម៉ឺន ស្រុកថ្មគោល ខេត្តបាត់ដំបង ។
-វត្ថុតាងចាប់យកបានរួមមាន៖
-ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ០២ដង់ ទម្ងន់ ១៩៨.៥១ក្រាម (ថ្នាំសុទ្ធ)
-ទូរស័ព្ទដៃចំនួន ០២គ្រឿង (ចាស់) ។
ឆ្លងតាមចម្លើយសារភាពរបស់ជន សង្ស័យខាងលើ និងដោយមានការអនុញ្ញាតពីឯកឧត្តម កែវ សុជាតិ ព្រះរាជអាជ្ញា នៃអយ្យការអមសាលា ដំបូងខេត្តបាត់ដំបងផងនោះ សមត្ថកិច្ចបានបន្តកិច្ចប្រតិបត្តិការ រហូតឈានដល់ចាប់ឃាត់ខ្លួនជន សង្ស័យបានចំនួន ០១នាក់ទៀត វេលាម៉ោង ១៨និង៥០នាទីនាថ្ងៃខែឆ្នាំដដែល នៅចំណុចភូមិនិគមក្រៅ ឃុំជ្រោយស្មៅ ស្រុកថ្ម គោល ខេត្តបាត់ដំបងគឺឈ្មោះ ខុម សារ៉ា ហៅ ឡែន ភេទស្រី អាយុ ១៩ឆ្នាំ មានទីលំនៅភូមិនិគមក្នុង ឃុំជ្រោយស្មៅ ស្រុកថ្មគោល ខេត្តបាត់ដំបង ។
-វត្ថុតាងចាប់យកបានរួមមាន៖
-ទូរស័ព្ទដៃចំនួន ០១គ្រឿង (ចាស់)
ជនសង័្សយនិង វត្ថុតាង បច្ចុប្បន្នបានរៀបចំសំណុំ រឿងបញ្ជូនទៅ សាលាដំបូងខេត្តបាត់ដំបងអនុវត្តទោសតាមច្បាប់៕(រូបភាពផែនការ ងារប្រឆាំងគ្រឿងញៀន)By kosal!
