លោកឧត្តមសេនីយ៍ត្រី បោន ប៊ិន នាំយកកុំព្យូទ័រលេីតុ (Computer Desktop)ចំនួន១៣គ្រឿង ជាអំណោយលោក ឈឿង ឈីវអៀន ប្រធានសភាពាណិជ្ជកម្មខេត្តបន្ទាយមានជ័យ ផ្តល់ជូនដល់ការិយាល័យអប់រំស្រុក និងសាលារៀនទាំង១២ នៅក្នុងស្រុកភ្នំស្រុក!!!
ខេត្តបន្ទាយមានជ័យ៖នៅព្រឹកថ្ងៃអាទិត្យ ១០រោច ខែមិគសិរ ឆ្នាំចាលចត្វាស័ក ព.ស ២៥៦៦ត្រូវនឹងថ្ងៃទី១៨ ខែធ្នូ ឆ្នាំ២០២២នេះ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត បាននាំយកកុំព្យូទ័រលេីតុ (Computer Desktop)ចំនួន១៣គ្រឿង ជាអំណោយលោក ឈឿង ឈីវអៀន ប្រធានសភាពាណិជ្ជកម្មខេត្តបន្ទាយមានជ័យ ផ្តល់ជូនដល់ការិយាល័យអប់រំស្រុក និងសាលារៀនទាំង១២ នៅក្នុងស្រុកភ្នំស្រុក សម្រាប់បម្រេីតាមតម្រូវការក្នុងសាលាក៏ដូចជាវិស័យអប់រំ ឱ្យកាន់តែមានភាពប្រសើរឡើងបន្ថែមទៀត ។
ការនាំយកកុំព្យូទ័រប្រគល់ជូននោះដែរ ក៏មានការអញ្ចើញចូលរួមពីសំណាក់លោក ឃ្លោក នូយ អភិបាលរង នៃគណ:អភិបាលខេត្ត លោក ជូ បុត្រ អភិបាល នៃគណ:អភិបាលស្រុកភ្នំស្រុក លោក-លោកស្រី អភិបាលរងស្រុក លោក ឈឿង ឈីវអៀន ប្រធានសភាពាណិជ្ជកម្មខេត្តបន្ទាយមានជ័យ លោកនាយក លោកនាយករង លោកគ្រូ អ្នកគ្រូ សរុបចំនួន១៤១នាក់ ពិធីនេះធ្វេីឡេីងនៅវិទ្យាល័យភ្នំស្រុក ស្ថិតក្នុងភូមិមាត់ស្រះ ឃុំស្រះជីក ស្រុកភ្នំស្រុក ខេត្តបន្ទាយមានជ័យ។
ក្នុងប្រសាសន៍សំណេះសំណាលជាមួយលោកគ្រូ-អ្នកគ្រូ នាឱកាសនោះ លោកឧត្តមសេនីយ៍ត្រី បោន ប៊ិន បានថ្លែងអំណរគុណចំពោះលោក ឈឿង ឈីវអៀន ដែលបានផ្តល់កុំព្យូទ័រជូនដល់សាលារៀនសម្រាប់ប្រេីប្រាស់។ ជាមួយគ្នានោះដែរ លោកក៏បានថ្លែងនូវការកោតសរសេីរចំពោះលោកគ្រូ-អ្នកគ្រូ ដែលបានចូលរួមចំណែកយ៉ាងសំខាន់មិនអាចខ្វះបានក្នុងការបណ្តុះបណ្តាលធនធានមនុស្ស ប្រកបដោយចំណេះដឹងដល់សិស្សានុសិស្សផងដែរ។
លោកឧត្តមសេនីយ៍ត្រី បោន ប៊ិន ក៏បានលើកឡើងបន្តថា វិស័យអប់រំត្រូវបានប្រមុខរាជរដ្ឋាភិបាលកម្ពុជាបានចាត់ទុកជាវិស័យអាទិភាពឈានមុខគេ ក្នុងការបណ្តុះបណ្តាលនូវធនធានមនុស្ស។
លោកមេបញ្ជាការកងរាជអាវុធហត្ថខេត្ត ក៏បានអំពាវនាវដល់អាណាព្យាបាលដែលមានកូនៗគ្រប់អាយុ សូមនាំកូនៗទៅចុះឈ្មោះចូលរៀនឱ្យបានគ្រប់ៗគ្នា។
សូមបញ្ជាក់ផងដែរថា កុំព្យូទ័រទាំង១៣គ្រឿង ត្រូវបានផ្តល់ជូនការិយាល័យ អប់រំស្រុកចំនួន១គ្រឿង និងសាលារៀន១២សាលា ទទួលបាន១២គ្រឿង ព្រមទាំងសម្ភារៈកីឡាមានដូចជា អាវ១៤១ឈុត បាល់ទះ១០គ្រាប់ បាល់ទាត់១៥គ្រាប់ សារុង១៤១សារុង ភេសជ្ជ:ចំនួន៥០កេស និងលោកគ្រូ-អ្នកគ្រូ ដែលបានចូលរួមចំនួន១៤១នាក់ ក្នុងម្នាក់ទទួលបានថវិកា៥ម៉ឺនរៀលផងដែរ៕
