ក្រោយពីលោកឧត្តមសេនីយ៍ទោ សាត គឹមសាន្ត ស្នងការនគរបាលខេត្តបាត់ដំបងបានដាក់បទបញ្ជាយ៉ាងតឹងរឹងមក សមត្ថកិច្ចនគរបាលក្រោមឱវាទ ធ្វើការបង្រ្កាបករណីគ្រឿងញៀនឃាត់ខ្លួនមុខសញ្ញាបានជាបន្តបន្ទាប់..
ខេត្តបាត់ដំបង÷កាលពីថ្ងៃទី១១ខែមីនា ឆ្នាំ២០២៤ វេលាម៉ោង១៩និង០៥នាទី នៅចំណុចភូមិភ្នំប្រាំពីរ ឃុំបួរ ស្រុកភ្នំព្រឹក ខេត្តបាត់ដំបង អអនុវត្តតាមបទបញ្ជា ក្រោមការដឹកនាំរបស់លោកឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបងនិងលោកវរសេនីយ៍ឯក សុខ និមលស្នងការរងផែនការងារ ប្រឆាំងគ្រឿងញៀន លោកវរសេ នីយ៍ទោ ប៉ាន ចាន់រិទ្ធ នាយការិយាល័យប្រឆាំងគ្រឿង នៃស្នងការដ្ឋាននគរបាលខេត្តបាត់ដំបង បានចុះប្រតិបត្តិការ បង្ក្រាបបានករណី ជួញដូរដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្ដែង និងឃាត់ខ្លួនជន សង្ស័យបានចំនួន ០១នាក់ ឈ្មោះ យ៉ែម រឿន ហៅដុំដី ភេទប្រុស អអាយុ៣៣ឆ្នាំ មានទីលំនៅ ភូមិភ្នំប្រាំពីរ ឃុំបួរ ស្រុកភ្នំព្រឹក ខេត្តបាត់ដំបង ។
-វត្ថុតាងចាប់យកបានរួមមាន៖
-ថ្នាំញៀនប្រភេទម៉េហ្វេតាមីន (ម៉ាទឹកកក ICE) ចំនួន ០២ថង់ ទម្ងន់ ២៥,១៦ក្រាម (ថ្នាំសុទ្ធ)
-ទូរស័ព្ទដៃចំនួន ០១គ្រឿង (ចាស់)និងកូនជញ្ជាំងសម្រាប់ថ្លឹងថ្នាំញៀនលក់ចំនួន ០១គ្រឿង
-សម្ភារ:សម្រាប់ប្រើប្រាស់ថ្នាំញៀនចំនួន០១ និងថង់តូចៗមួយចំនួន ។
ជនសង័្សយនិងវត្ថុតាង បច្ចុប្បន្នសមត្ថកិច្ចបានរៀបចំសំណុំរឿងបញ្ជូនទៅសាលាដំបូងខេត្តបាត់ដំ បង ចាត់ការតាមផ្លូវច្បាប់៕(រូបភាពផែនការងារប្រឆាំងគ្រឿងញៀន) By kosal!
