- លោកឧត្តមសេនីយ៍ត្រី វង្ស វិត ស្នងការរង បានអញ្ជើញដឹកនាំប្រជុំត្រួតពិនិត្យកងអន្តរាគមន៍ សម្ភារៈបច្ចេកទេស អនុសេនាតូច ទាំង៩ របស់ស្នងការដ្ឋាននគរបាលខេត្តបន្ទាយមានជ័យ
================
(បន្ទាយមានជ័យ):នៅព្រឹកថ្ងៃទី ២២ ខែ មីនា ឆ្នាំ ២០២៤ លោកឧត្តមសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យ បានឱ្យលោកឧត្តមសេនីយ៍ត្រី វង្ស វិត ស្នងការរង អញ្ជើញដឹកនាំប្រជុំត្រួតពិនិត្យ កងអន្តរាគមន៍ សម្ភារៈបច្ចេកទេស អនុសេនាតូចទាំង៩ របស់ស្នងការដ្ឋាននគរបាលខេត្តបន្ទាយមានជ័យ ។
សូមបញ្ជាក់ថា កងអនុសេនាតូច ទាំង០៩ របស់ អង្គភាពស្នងការដ្ឋាននគរបាលខេត្តបន្ទាយមានជ័យ មានសរុប ១៨០នាក់ ហើយបង្កើតឡើងមានភារៈកិច្ចដើម្បី ធានា និងដោះស្រាយរាល់សភាពការណ៍ដែលអាចកើតមានឡើងជាយថាហេតុដែលធ្វើឱ្យប៉ះពាល់សន្តិសុខ សណ្តាប់ធ្នាប់សាធារណៈ ក្នុងខេត្តបន្ទាយមានជ័យ ។
ដោយឡែកនៅតាមបណ្តាអធិការដ្ឋាននគរបាលក្រុងស្រុកទាំង០៩ និងបញ្ជាការដ្ឋាននគរបាលការពារព្រំដែនគោកទាំង០៤ ក៏បានបង្កើតកងអនុសេនាតូច ដើម្បីទ្រោលសភាពការណ៍ ២៤/២៤ សម្រាប់ជួយអន្តារគមន៍ជួយដល់បងប្អូនប្រជាពលរដ្ឋ ដែលកើតមានឡើងជាយថាហេតុ និងរងចាំបទបញ្ជារបស់ថ្នាក់ដឹកនាំ ២៤/២៤ ផងដែរ ៕
